WAFANYAKAZI NMB WACHANGIA DAMU NA KUISAIDIA HOSPITALI YA MLOGANZILA

Meneja wa Benki ya NMB Kanda ya Dar es Salaam, Bw. Badru Idd (kulia) akimkabidhi viti 10 maalum vinavyotumika katika zoezi la uchangiaaji damu Naibu Makamu wa Chuo Kikuu cha Afya na Sayansi Shirikishi Muhimbili, na Mkuu wa Hospitali ya Taaluma na Tiba ya Mloganzila, Profesa Said Aboud (kushoto). Viti hivyo vimetolewa na Wafanyakazi wa NMB Kanda ya Dar es Salaam pamoja na kuchangia damu katika hospitali hiyo.

Baadhi ya Wafanyakazi wa Benki ya NMB Kanda ya Dar es Salaam wakichangia damu ikiwa ni mchango wao kwa jamii.

Sehemu ya msaada wa viti 10 maalum vinavyotumika katika zoezi la uchangiaaji damu vilivyotolewa na Wafanyakazi wa Benki ya NMB Kanda ya Dar es Salaam katika zoezi la uchangiaji damu katika hospitali hiyo uliofanywa na wafanyakazi hao.

Baadhi ya Wafanyakazi wa Benki ya NMB Kanda ya Dar es Salaam wakichangia damu ikiwa ni mchango wao kwa jamii.

Sehemu ya Wafanyakazi wa Benki ya NMB Kanda ya Dar es Salaam wakipita kwa wataalam kutoka kitengo cha Damu Salama cha Hospitali ya Taaluma na Tiba ya Mloganzila kabla ya kuchangia damu kwa wahitaji.

Sehemu ya Wafanyakazi wa Benki ya NMB Kanda ya Dar es Salaam wakipita kwa wataalam kutoka kitengo cha Damu Salama cha Hospitali ya Taaluma na Tiba ya Mloganzila kabla ya kuchangia damu kwa wahitaji.

Naibu Makamu wa Chuo Kikuu cha Afya na Sayansi Shirikishi Muhimbili, na Mkuu wa Hospitali ya Taaluma na Tiba ya Mloganzila, Profesa Said Aboud (kushoto) akimshukuru Meneja wa Benki ya NMB Kanda ya Dar es Salaam, Bw. Badru Idd (kulia) mara baada ya kupokea msaada huo.

Meneja wa Benki ya NMB Kanda ya Dar es Salaam, Bw. Badru Idd (kulia) akizungumza kabla ya zoezi la kukabidhi viti 10 maalum vinavyotumika katika zoezi la uchangiaaji damu. Kushoto ni Naibu Makamu wa Chuo Kikuu cha Afya na Sayansi Shirikishi Muhimbili, na Mkuu wa Hospitali ya Taaluma na Tiba ya Mloganzila, Profesa Said Aboud.

Na Mwandishi Wetu

WAFANYAKAZI wa Benki ya NMB Kanda ya Dar es Salaam mwishoni mwa wiki wamefanya tukio lingine la kijamii kwa kwa kujitolea kuchangia damu kwa lengo la kuwasaidia wagonjwa wahitaji.

Mbali na wafanyakazi hao kuchangia damu, wamejitolea michango na kufanikisha kununua vitanda 10 maalum kwa ajili ya kuchangia damu, ambapo kila kitanda kinagharimu kiasi cha shilingi 800,000 za Kitanzania na kuikabidhi Hospitali ya Taaluma na Tiba ya Chuo Kikuu cha Afya na Sayansi Shirikishi Muhimbili, kilichopo Mloganzila, jijini Dar es Salaam.

Akizungumza wakati wa zoezi la kukabidhi msaada huo pamoja na uchangiaji damu, Meneja wa Benki ya NMB Kanda ya Dar es Salaam, Bw. Badru Idd alisema wafanyakazi wameamua kujitoa kuchangia damu ili kunusuru wagonjwa ambao wanaamini ni sehemu ya wateja wao.

Aliongeza kuwa mbali na kujitolea kuchangia damu pia wafanyakazi hao wameguswa na kujichangisha na kununua vitanda 10 maalumu vinavyotumika katika zoezi la kuchangia damu ili viwezekutumiwa na hospitali hiyo inayotoa mchango mkubwa kwa jamii.    

“Suala la kujitoa tumekuwa tukilifanya mara kwa mara katika jamii yetu, lakini safari hii tulifikiria nini tukitoe kwa wananchi ndipo tukaona kuna haja ya kujitoa na kuchangia damu kwa wagonjwa waitaji ili kuweza kuokoa maisha yao.”

Anasema utaratibu wa kurejesha sehemu ya mapato kwa wateja wao umekuwa ukifanywa pia na Benki kwa kujipangia kutoa sehemu ya asilimia moja ya mapato ya kila mwaka na kuirejesha kwa jamii kupitia nyanja mbalimbali.

Aidha alisema NMB imekuwa ikichangia jamii kwenye huduma kama za afya, elimu, maji na huduma za msaada kwenye majanga yanapoikumba jamii sehemu anuai nchini.

Anasema NMB itaendelea kujitolea kwa jamii pale inapobidi, jambo ambalo imekuwa ikilifanya maeneo mbalimbali ya mikoa, kulingana na ilivyojitanua katika utoaji huduma zake.

Kwa upande wake Naibu Makamu wa Chuo hicho-Huduma za Hospitali ya Mloganzila, Profesa Said Aboud aliishukuru Benki ya NMB kwa msaada huo na kuomba taasisi nyingine kuungana na benki hiyo kuiwezesha Hospitali ya Taaluma na Tiba ya Mloganzila.

Alisema hospitali hiyo tangu kuanza kazi tayari imehudumia zaidi ya wagonjwa 35,000 kutoka ndani na nje ya jiji la Dar es Salaam, hivyo kuna kila sababu ya kuungwa mkono ili kukabiliana na changamoto anuai katika kuhudumia wananchi.

Picha ya pamoja ya  Wafanyakazi wa Benki ya NMB Kanda ya Dar es Salaam katika zoezi la uchangiaji damu.