MR SANTA WA AIRTEL ATAJA ZAWADI ZA WATEJA, DROO YA KWANZA KUFANYIKA DESEMBA 24, 2024

Mkuu wa Mawasiliano na Uhusiano wa Airtel Tanzania, Jackson Mmbando, akizungumza katika mkutano huo wa kutaja zawadi zitakazi tolewa kwa washindi wa promosheni maalumu ya Santa Mizawadi uliofanyika Desemba 20, 2024 makao makuu ya kampuni hiyo jijini Dar es Salaam. Kushoto ni Meneja Huduma kwa Wateja, Celina Njuju.

Na Dotto Mwaibale, Dar 

BALOZI wa  Airtel Tanzania kupitia promosheni maalumu ya Santa Mizawadi MR Santa amezitangaza zawadi mbalimbali zitakazotolewa  kwa wateja na mawakala wote watakaoshiriki promosheni hiyo.

Promosheni hiyo ambayo imeanza hivi karibuni ambayo nafanyika msimu huu wa sikukuu imelenga kutoa shukrani na kuwazadia wateja na mawakala wote wanaoendelea kutumia huduma za Airtel katika  kipindi hiki cha sikukuu.

Balozi wa Alrtel Mr Santa akizungumza katika mkutano na waandishi wa habari Makao Makuu ya Airtel Tanzania jijini Dar es Salaam wakati wa kutaja mizawadi mbalimbali itakayotolewa kwa wateja ambao watashiriki droo na kupatikana washindi alisema mizawadi kibao imekwisha andaliwa hivyo wakae mkao wa kuinyakua.

Mr Santa alitaja baadhi ya zawadi hizo kuwa ni pocket WiFi, simu janja, pikipiki, runinga na pesa Taslim hadi shilingi milioni moja.

“ Hii ni fursa ya kipekee waliyopewa wateja na mawakala ya kujinyakulia mizawadi hiyo hivyo wasikose na kuwa mizawadi hiyo atawapatia yeye mwenyewe huku wakisindikizwa na burudani ya muziki mtamumtamu,” alisema Mr Santa huku akionesha furaha yake.

Mr Santa kwa siku ya leo alitembelea maeneo ya Mikocheni huku akiwa amevalia vazi lake maalumu la la Father Chrismas ambapo alipita mitaani na kuuliza maswali watu mbalimbali ya hapa na pale na waliofanikiwa kuyajibu aliwapatia zawadi.

Maeneo mengine aliyotembelea ni pamoja na Mlimani City na Mwananyamala.

Wiki ijayo Mr Santa na ujumbe wake watafanya ziara ya kutembelea Mkoa wa Mwanza, Arusha na Kilimanjaro ambapo atapita mitaani na kutoa zawadi kwa watu watakaoulizwa maswali na kuyajibu kwa ufasaha. 

Akizungumza  promosheni hiyo ya  Airtel Santa Mizawadi, Mkuu wa Mawasiliano na Uhusiano wa kampuni hiyo, Jackson Mmbando alisema Promosheni ya Airtel Santa Mizawadi lengo  lake kubwa ni kuwashukuru wateja na mawakala waaminifu hasa wale wanaoendelea kutumia bidhaa za kampuni hiyo.

Akielezea jinsi ya kushiriki na kujishindia Mizawadi ya Airtel Santa Mizawadi, Mmbando alisema  mshiriki aatakiwa kufanya miamala ya kuweka na kutoa fedha, ambapo pia ili mteja aweze kuingia kwenye droo anatakiwa kufanya miamala kama vile kununua bando, Kutuma pesa, kutoa pesa, kulipa bili, kufanya miamala ya kibenki, kutuma au kupokea pesa nje ya nchi, kununua muda wa maongezi au vifurushi kupitia *149*99#, *150*60#, au kwa kutumia ‘My Airtel App’.

Meneja Huduma kwa Wateja, Celine Njuju alisema kampuni hiyo inawathamini  wateja wake na ndio wakaona waje ni promosheni hiyo ambayo inawaweka pamoja wateja wao hao na mawakala na familia nzima ya Airtel Tanzania.

 Njuju alisema kila wiki watachezesha droo kwa ajili ya kuwapata washindi na watapigiwa simu kwa namba 100 namba ambayo imekuwa ikitumiwa na kampuni hiyo kwa mawasiliano na kuwa droo ya kwanza itafanyika siku ya Jumanne ya Desemba 24, 2024.

Meneja Huduma kwa Wateja, Celine Njuju akizungumza kwenye mkutano.

Mr Santa akizungumza katika mkutano na waandishi wa habari Makao Makuu ya Airtel Tanzania jijini Dar es Salaam wakati akitaja mizawadi hiyo na tarehe ya kufanyika kwa droo ya kwanza ya promosheni hiyo ambayo itafanyika Desemba  24, 2024 siku ya jumanne.

Viongozi wakiwa meza kuu. Kutoka kushoto ni Meneja Huduma kwa Wateja, Celina Njuju,Mkuu wa Mawasiliano na Uhusiano wa kampuni hiyo, Jackson Mmbando na Mr. Santa.

Mr Santa  akionesha umahiri wa kucheza sebene wakati akiimba wimbo maalumu wa Chrismasi kuhamasisha promosheni hiyo.