SERIKALI YAIPONGEZA BENKI YA NMB

Waziri wa Nchi Ofisi ya Waziri Mkuu Sera, Bunge, Kazi, Vijana, Ajira na Wenye Ulemavu Jenister Mhagama akizungumza kwenye  uzinduzi wa mbio za Mwenge.

Baadhi ya Vijana wa Halaiki walioshiriki wakati wa uzinduzi wa mbio za Mwenge wakiwa wamevaa 'traksuit' zilizotolewa na Benki ya NMB.

Meneja wa Benki ya NMB Tawi la Mbozi akifurahia kwaya ya JKT Mlale waliokuwa wakiburudisha wakati wa uzinduzi wa mbio za Mwenge Songwe.

Meneja wa Benki ya NMB Kanda ya Nyanda za Juu, Straton Chilongola akifurahia jambo na Msimamizi wa Huduma za Benki ya NMB Serikalini, Bi. Vicky Bishubo wakati wa uzinduzi wa Mbio za Mwenge mkoani Songwe.

SERIKALI imeipongeza Benki ya NMB kwa kuwezesha na kusaidia kukamilisha uzinduzi wa Mbio za Mwenge  ambao umewashwa Kitaifa katika mkoa wa Songwe.

Akizungumza wakati wa uzinduzi wa mbio hizo za Mwenge Waziri wa Nchi Ofisi ya Waziri Mkuu Sera, Bunge, Kazi, Vijana, Ajira na Wenye Ulemavu Jenister Mhagama ameipongeza Benki ya NMB kwa kutokana na ushirikiano wao ulichangia kufanikisha maadhimisho hayo.

Waziri Mhagama amesema kuwa, Benki hiyo imesaidia kwa sehemu kubwa kufanikisha maadhimisho hayo kwa vijana wa Halaiki.

Kwa upande wake Msimamizi wa Mahusiano ya Benki ya NMB na Serikali Vicky Bishubo alisema kuwa Benki hiyo imejiwekea utaratibu kwa kila mwaka kudhamini uzinduzi  na ufungaji wa wa mbio za Mwenge Kitaifa.

‘’Tumeshiriki kwenye uzinduzi hapa mkoani Songwe, lakini pia tutashiriki wakati wa kilele cha mbio za Mwenge huko mkoani Lindi,’’ alisema Bishubo.

Amefafanua kuwa Benki hiyo imeona ni wajibu wao kushirikiana na serikali katika mambo mbalimbali na kuwa kwenye uzinduzi huo, Benki hiyo imechangia sare 800 (Traksuit) kwa ajili ya halaiki zenye thamani ya Shilingi Milioni 19.

Mbio za Mwenge wa Uhuru zimezinduliwa rasmi April 2 mkoani Songwe na zinatarajia kutumia siku 195 na kuzimwa katika mkoa wa Lindi Octoba 19 mwaka huu.