POLISI ARUSHA WAKAMATA MASHINE 45 FEKI ZA MICHEZO YA KUBAHATISHA

Kamanda Wa Polisi Mkoa Wa Arusha,Ramadhani Ng'anzi akionesha baadhi ya mashine hizo.

Na Ahmed Mahmoud Arusha

JESHI la Polisi Mkoa wa Arusha Kwa kushirikiana na Bodi ya Michezo ya Kuhatisha Tanzania (GBT) imekamata na kuteketeza Mashine  Feki 45 zenye thamani ya sh. milioni  90  za Michezo ya kubahatisha ziizoingizwa nchini kinyemela na kutokuwa na usajiri.

Akiongea na Vyombo vya habari lleo Julai 26 Kamanda Wa Polisi Mkoa Wa Arusha,Ramadhani Ng'anzi amesema Mashine hizo zilikatwa maeneo mbalimbali ya Mkoa wa Arusha katika operesheni ya wiki moja iliuofanya.

Aidha amesema katika operesheni hiyo watu wawili wanashikiliwa na polisi akiwemo raia wa China wakihusishwa na uingizaji na uuzaji wa Mashine hizo  bila kufuata utaratibu ikiwemo kutosajiliwa na bodi, kutokulipa kodi ya serikali huku zikitumika maeneo ambayo hayajaidhinishwa.

Kwa upande wake,meneja wa ukaguzi na udhibiti wa bodi ya Michezo ya kubahatisha nchini,Sadick Mangesho amesema kuwa awali bodi hiyo ilipata taarifa za kuingizwa kinyemela kwa Mashine hizo bila kufuata utaratibu wa usajili huku baadhi yake zikiwa ni feki.

Amesema Mashine hizo zimesambazwa katika maeneyo mbalimbali yasiyoidhinishwa na zinatumika kuibia wananchi na zimekuwa zikiendeshwa bila kulipia kodi ya serikali.

Amesema baadhi ya wamiliki wa Mashine hizo walifanikiwa kutoroka ila walifanikiwa kuwatia mbaroni wahusika wawili akiwemo RAIA wa China na mtanzania Mmoja .
Hata hivyo upelelezi zaidi wa tukio hilo bado unaendelea.

Zoezi la operesheni linaendelea katika maeneo mbalimbali hapa nchini ambapo hivi karibuni walikamata na kuteketeza Mashine zaidi ya 80 mkoani Kigoma.

Amesema kuwa Mashine hizo zinapoingia nchini huwa wanaziweka alama maalum za utambuzi ambazo zinaonyesha zinastahili kutumika nchini na zimesajiliwa na bodi hiyo.

Naye Afisa utamaduni wa halmashauri ya Jiji la Arusha, Benson Maneno,alipongeza maafisa hao kwa kushirikiana nao kuendesha operesheni hiyo na kuwa wao kama Jiji walishaanza operesheni na kuhakikisha hakuna Mashine feki inayotumika.

Amesema kuwa lengo la jiji kuondoa mashine feki ni uwepo wa ukweli na kuondoa mashine hizo zikiwa ni sehemu ya ukwepaji wa mapato ya jiji na serikali na kuwataka wale wote wanaotaka kujishughulisha na biashara hiyo kufuata sheria na taratibu zote.