WAZIRI UMMY ATAJA IDADI YA WAGONJWA WA CORONA TANZANIA

Waziri wa Afya nchini Tanzania, Ummy Mwalimu 

WAZIRI wa Afya nchini Tanzania, Ummy Mwalimu amesema mgonjwa wa kwanza nchini wa virusi vya corona, Isabela Mwampamba (46) ameshapona ugonjwa huo na mpaka sasa wasafiri 245 wametengwa kwenye vituo vilivyoandaliwa baada ya kuingia nchini wakitoka nchi zilizoathirika zaidi na virusi hivyo

Pia ametangaza idadi mpya ya mambukizi ya Covid19 kuwa jumla ni 13 nchini .

Wagonjwa 11 wakiwa wamepatikana Tanzania bara na huku kisiwani Zanzibar kukiwa na wagonjwa wawili.

Ameongeza  kuwa hakuna maambukizi yaliyopatikana ndani ya nchi mpaka sasa.

Kesi mpya ni ya mgonjwa wa Coronavirus aliyepatikana Kagera alikua dereva wa malori makubwa, ambaye aliingia nchini kupitia mpaka wa kabanga akiwa anaendesha magari kati ya DRC, Burundi na Tanzania.

Wagonjwa wote 13 kasoro mmoja wao walisafiri nje ya nchi katika siku 14 zilizopita kabla ya kuthibitika kuwa na virusi hivyo, na mgonjwa ambaye hakusafiri nje ya nchi alikutana na muathirika anayetoka nje ya nchi.