WAKUFUNZI WALIOPATA MAFUNZO YA TESP WATAKIWA KULETA MATOKEO KWENYE SEKTA YA ELIMU

Picha ya Pamoja ya Maofisa wa serikali na Maofisa wa Ubalozi wa Canada katika kikao kazi cha tathmini ya utekelezaji wa mradi  wa kuendeleza elimu ya ualimu nchini (TESP)

Katibu Mkuu wa Wizara ya Elimu Dr.Leonard Akwilapo akizungumza katika kikao kazi cha Mradi wa (TESP)

kikao kazi kinaendelea

Kansela Mkuu ,Ushirikiano na Maendeleo  Canada  ,Gwen Walmsley Akifafanua jambo

Wadau wakifuatilia kikao

Na Ahmed Mahmoud Arusha

KATIBU Mkuu Wizara ya Elimu Sayansi na Teknolojia, Dkt. Leonard Akwilapo amewataka wakufunzi wa vyuo vya ualimu waliopata mafunzo  kupitia mradi wa kuendeleza elimu ya ualimu Nchini TESP kuhakikisha wanaleta matokeo yaliyokusudiwa kitaaluma ili kuisaidia sekta ya elimu kupiga hatua.

Dkt. Akwilapo amesema hayo jijini Arusha wakati anafungua mjadala wa kufanya tathimini ya mradi huo unaotekelezwa kupitia ufadhili wa serikali ya Canada ambaye amesema zaidi ya Shilingi bilioni 90 zimetengwa kufadhili mafunzo, vifaa pamoja na ukarabati na ujenzi wa miundombinu  ambayo ikitumika vema itaongeza kiwango cha elimu Nchini.

Wadau wa utekelezaji wa mradi wa kuendeleza elimu ya ualimu Nchini wakikutana jijini Arusha, kubwa hapa ni kufanya tathmini ya mradi huo na kujadili changamoto ili zifanyiwe kazi kwa lengo la kuendelea kuboresha Sekta ya elimu.

Mratibu wa Mradi huo Ignas Chonya amesema mradi ni wa miaka Mitano ambapo Wakufunzi wa vyuo vyote 35 vya serikali sambamba na halmashauri 20 zilizo katika mpango zimefikiwa tokea kuanza kwa mradi huo.

Akizungumzia umuhimu wa mradi huo Katibu Mkuu Wizara ya Elimu, Sayansi na Teknolojia Dkt. Leonard  Akwilapo amesema umezingatia changamoto zinazoikabili sekta hiyo, ambapo pia vyuo vipya vitajengwa.

Ambapo pia akasisitiza umuhimu wa Wadau kuhakikisha wanatekeleza vema mradi huo ili uweze kuleta tija iliyokusudiwa kwa kuwa mstari wa mbele katika kupokea mafunzo na kuyafanyia kazi ili kutoa matokeo.

Kansela Mkuu wa ushirikino na Maendeleo kutoka Serikali ya Canada, Gwen Walmsley amesema katika mradi huo zimetengwa zaidi ya bilioni 90 kuhakikisha mazingira ya utoaji elimu nchini yanaboreka.