MSANII BABA LEVO AINADI WALETE YA TTCL, WATEJA KUNUFAIKA BILA KIKOMO

 

Mkurugenzi wa Biashara wa Shirika la Mawasiliano Tanzania (TTCL), Bw. Vedastus Mwita akiwa pamoja na Mtangazaji maarufu wa kituo cha Wasafi FM na mwanamuziki, Bw. Clayton Chipando maarufu kwa jina la ‘Baba Levo’, wakizinduwa rasmi kampeni mpya ya “WALETEE” inayompa mteja wa TTCL fursa ya kutumia huduma za vifurushi vya kupiga simu na kutumia intaneti bila kikomo na nafuu zaidi.

Mkurugenzi wa Biashara wa Shirika la Mawasiliano Tanzania (TTCL), Bw. Vedastus Mwita akiwa pamoja na Mtangazaji maarufu wa kituo cha Wasafi FM na mwanamuziki, Bw. Clayton Chipando maarufu kwa jina la ‘Baba Levo’, wakizinduwa rasmi kampeni mpya ya “WALETEE” inayompa mteja wa TTCL fursa ya kutumia huduma za vifurushi vya kupiga simu na kutumia intaneti bila kikomo na nafuu zaidi.

Mkurugenzi wa Biashara wa Shirika la Mawasiliano Tanzania (TTCL), Bw. Vedastus Mwita akiwa pamoja na Mtangazaji maarufu wa kituo cha Wasafi FM na mwanamuziki, Bw. Clayton Chipando maarufu kwa jina la ‘Baba Levo’, wakizinduwa rasmi kampeni mpya ya “WALETEE” inayompa mteja wa TTCL fursa ya kutumia huduma za vifurushi vya kupiga simu na kutumia intaneti bila kikomo na nafuu zaidi.

Mkurugenzi wa Biashara wa Shirika la Mawasiliano Tanzania (TTCL), Bw. Vedastus Mwita akimkabidhi Balozi wa TTCL, Mtangazaji maarufu wa kituo cha Wasafi FM na mwanamuziki, Bw. Clayton Chipando maarufu kwa jina la ‘Baba Levo’, ambay7e ni Balozi wa kampeni mpya ya “WALETEE” inayompa mteja wa TTCL fursa ya kutumia huduma za vifurushi vya kupiga simu na kutumia intaneti bila kikomo na nafuu zaidi.

Mkurugenzi wa Biashara wa Shirika la Mawasiliano Tanzania (TTCL), Bw. Vedastus Mwita (katikati) akizungumza kwenye uzinduzi huo.

Na Joachim Mushi, Dar

SHIRIKA la Mawasiliano Tanzania (TTCL) limezindua rasmi kampeni ya “WALETE,” ikiwa ni sehemu ya kufanya maboresho na kuleta huduma za bora za mawasiliano ya data na sauti kwa wateja wake.

Kampeni hiyo maalumu itakayojulikana kwa jina la “WALETEE” imelenga kutoa huduma nafuu za vifurushi vya simu, ikiwa ni pamoja na dakika, Intaneti, na Ujumbe Mfupi (SMS) vilivyoboreshwa zaidi, kwa ajili ya kuwafaidisha wateja wa maeneo yote nchi, iwe vijijini ama mjini.

Mkurugenzi wa Biashara wa Shirika la TTCL, Bw. Vedastus Mwita akizungumza na waandishi wa habari jijini Dar es Salaam amesema kuwa lengo kuu la kampeni ya “WALETE” ni kuwafikia Watanzania wote na kutoa huduma zinazokidhi mahitaji yao ya mawasiliano, hasa katika nyakati hizi za teknolojia ya kidijitali.

Amesema kupitia kampeni ya “WALETE,” kumefanyika maboresho kwa kuongeza BONUS kubwa kwenye vifurushi vya mawasiliano, ikiwemo Dakika, SMS, na Kifurushi cha Jiachie Xtraa, ambacho kinampa mteja fursa ya kupata muda wa kutosha wa kupiga simu kwenda mitandao yote na ujumbe mfupi kwa gharama nafuu na bila ukomo wa muda.

Akifafanua zaidi alisema kifurushi kingine kipya ni ‘T-Connect Plus’, ambacho kimeongezea muda wa maongezi, ambapo mteja atanunua kifurushi hicho na kupata faida ya Intaneti, ujumbe mfupi (SMS), pamoja na muda wa maongezi kwenda mitandao yote.

Aidha ameongeza kuwa kutokana na kukua kwa matumizi ya kidijitali, wameboresha upatikanaji wa vocha kwa njia ya kidijitali hivyo, kwa sasa mteja anaweza kupata vocha kupitia mawakala wa T-RUSHA.

“…Vocha zetu kwa sasa pia zinapatikana kwa njia ya kidijitali kupitia T-Pesa, kwenye Benki ya CRDB, NMB, Selcom, na mitandao mingine ya simu. Vilevile, vocha za kukwangua bado zinapatikana kwa mawakala waliopo maeneo mbalimbali na kwenye maduka yetu na vituo vya huduma kwa wateja” alisema.

Akizungumzia kuhusu kifurushi cha Bufee Tena, ambacho kimeboreshwa zaidi na kwa gharama nafuu, Mwita amesema kifurushi hicho kinampa mteja uhuru wa kuchagua kiwango anachotaka, iwe Dakika, SMS, au Data, kulingana na mahitaji yake.

Naye, Balozi wa kampeni ya “WALETE,” Clayton Chipando maarufu kama ‘Baba Levo’, ambaye ni mtangazaji maarufu wa kituo cha Wasafi FM na mwanamuziki, amesema bado anaikubali TTCL kwenye upande wa Intaneti kwani bado huduma zake ni bora zaidi tofauti na mitandao mingine.

“Mtandao wa TTCL kwenye upande wa Intaneti hapo ndipo tutakapoonyeshana ukubwa, kwani ndio wapo bora zaidi kwenye kumfanya Mtanzania kuperuzi kwa haraka zaidi,” alisema Baba Levo na kuwaomba Watanzania warudi kuutumia mtandao huo kufurahia vifurushi nafuu vya sauti pamoja na Data.