Wednesday, 16 September 2020

Home Kitaifa MATUKIO PICHA WANANCHI MKOA WA KAGERA WAMKOSHA MGOMBEA URAIS WA CCM, RAIS DK. MAGUFULI, AWAAHIDI MAENDELEO

WANANCHI MKOA WA KAGERA WAMKOSHA MGOMBEA URAIS WA CCM, RAIS DK. MAGUFULI, AWAAHIDI MAENDELEO

JOE MUSHI September 16, 2020 Kitaifa, MATUKIO PICHA,

Mgombea Urais kupitia Tiketi ya Chama cha Mapinduzi CCM Rais Dkt. John Pombe Magufuli akihutubia maelfu ya Wananchi wa mkoa wa Kagera katika mkutano wa Kampeni za CCM uliofanyika katika viwanja vya Gymkhana Bukoba mkoani Kagera leo tarehe 16 Septemba, 2020.

Sehemu ya Wananchi wa mkoa wa Kagera waliokusanyika katika Viwanja vya Gymkhana kumsikiliza Mgombea Urais kupitia Tiketi ya Chama cha Mapinduzi CCM Rais Dkt. John Pombe Magufuli leo tarehe 16 Septemba, 2020.

Mgombea Urais kupitia Tiketi ya Chama cha Mapinduzi CCM Rais Dkt. John Pombe Magufuli akiwasili katika mkutano wa Kampeni za CCM uliofanyika viwanja vya Gymkhana Bukoba mkoani Kagera.

MGOMBEA Urais wa Chama Cha Mapinduzi (CCM), Rais Dk. John Pombe Magufuli ameguswa na upendo waliomuonesha maelfu ya Wananchi wa Mkoa wa Kagera waliojitokeza, tangu kumpokea siku moja kabla ya mkutano wake, na leo katika mkutano wake wa kampeni.

Amesema upendo waliouonesha kwake hana cha kuwalipa zaidi ya kuwa ahidi kuendelea kuchapa kazi na kuwaletea maendeleo Mkoa wa Kagera na Tanzania kwa ujumla pale watakapo mchagua na kurejea madarakani.

“Ndugu zangu wa Bukoba mmefunika kwelikweli tangu nimeingia Mkoa wa Kagera nimefanya mikutano mpaka nikachanganyikiwa...jamani ndugu zangu wa Kagera sina cha kuwapa, sina cha kuwapa, sinachakuwalipa, ninabaki na deni kubwa rohoni mwangu na jukumu langu mtakapo nichagua itakuwa ni kuchapa kazi kweli kweli kwa maendeleo ya Kagera,” alisema Rais Dk. John Magufuli.

Alisema alipotembelea mwaka 2015 kuomba kura yapo mambo aliahidi ambayo ni pamoja na kuimarisha amani na usalama kwani Kagera ni miongoni mwa maeneo yaliyokuwa yakisumbuliwa na matukio ya ujambazi, lakini leo hii suala hilo limepungua kama si kuisha kabisa.

Alisema juhudi zimefanywa na vyombo vya ulinzi na usalama na Serikali iliamua kuyageuza hifadhi za taifa mapori ambayo yalikuwa yakitishia usalama na maficho ya majambazi, jambo ambalo limeleta faida pia kimapato ya taifa. Aliongeza lengo la Serikali yake ni kuibadili Kagera kuwa ukanda unaonufaika na utalii kama ilivyo kwa ukanda wa Kilimanjaro na Arusha, jambo ambalo litaleta ajira nyingi kwa wakazi na kuongeza kipato kwa jamii ya mana Kagera kiujumla.

Wasani wa TMK wakiwa na alama kuu za CCM baada ya kutumbuiza kwenye mkutano wa kampeni viwanja vya Gymkhana mjini Bukoba leo Septemba 16, 2020.

Maelfu kwa Maelfu ya Wananchi wakimsikiliza Mgombea Urais wa Chama cha Mapinduzi ambaye ndiye Mwenyekiti wa Chama hicho Tawala na Rais wa Jamhuri ya Muungano wa Tanzania Dkt. John Pombe Magufuli akihutubia katika mkutano wa kampeni katika viwanja vya Gymkhana mjini Bukoba Septemba 16, 2020.

Mgombea Urais wa Chama cha Mapinduzi ambaye ndiye Mwenyekiti wa Chama hicho Tawala na Rais wa Jamhuri ya Muungano wa Tanzania Dkt. John Pombe Magufuli akimnadi mgombea ubunge wa jimbo Bukoba Vijijini Mhe. Jason Rweikiza huku wabunge wateule wa CCM Viti maalum wakingoja zamu zao baada ya kuhutubia maelfu kwa maelfu ya wananchi katika mkutano wake wa kampeni katika viwanja vya Gymkhana mjini Bukoba Septemba 16, 2020.

Mgombea Urais wa Chama cha Mapinduzi ambaye ndiye Mwenyekiti wa Chama hicho Tawala na Rais wa Jamhuri ya Muungano wa Tanzania Dkt. John Pombe Magufuli akiaga baada ya kuhutubia maelfu kwa maelfu ya wananchi katika mkutano wake wa kampeni katika viwanja vya Gymkhana mjini Bukoba leo Jumatano Septemba 16, 2020.