UBALOZI WA MAREKANI WAENDESHA MAHAFALI YA PROGRAMU YA MAFUNZO YA KIINGEREZA JIJINI TANGA NA ZANZIBAR

 

Regional English Language Officer George M. Chinnery presents a certificate of achievement to one of the graduates of English Access Microscholarship Program in Tanga. These students successfully completed their two-year biweekly after-school English classes, focusing on English language, community development, and civic engagement.  The U.S. Embassy supports three additional Access classes throughout Tanzania – in Mbeya, Lindi, and Pemba. In early April 2020, the Embassy will open additional classes in Tanga, Unguja, and Mwanza.  

 

Graduates of the English Access Microscholarship Program in Tanga, along with their parents, teachers and Regional English Language Officer George M. Chinnery (center). These students successfully completed their two-year biweekly after-school English classes, focusing on English language, community development, and civic engagement.  The U.S. Embassy supports three additional Access classes throughout Tanzania – in Mbeya, Lindi, and Pemba. In early April 2020, the Embassy will open additional classes in Tanga, Unguja, and Mwanza.  

Tanga na Zanzibar (Unguja), TANZANIA. Hapo tarehe 15 na 16 Februari, 2020, Ubalozi wa Marekani uliwatunukia vyeti wahitimu 47 wa programu maalumu ya mafunzo ya Kiingereza inayofadhiliwa na Ubalozi huo iitwayo English ‘Access’ Microscholarship Program mjini Tanga (wasichana 13 na wavulana 12) na Unguja – Zanzibar (wasichana 12 na wavulana 10).

Wanafunzi hawa wamehitimu mafunzo ya miaka miwili ya Kiingereza ambapo walihudhuria madarasa ya lugha hiyo mara mbili kwa wiki baada ya muda wa kawaida wa masomo. Katika madarasa hayo, wanafunzi hao walijifunza pia maendeleo ya jamii na stadi za kuijumuisha jamii.

Ubalozi wa Marekani unafadhili madarasa haya katika maeneo mengine matatu nchini Tanzania ambayo ni Mbeya, Lindi na Pemba. Mwanzoni mwa mwezi Aprili 2020, ubalozi utafungua madarasa zaidi katika miji ya Tanga, Unguja, na Mwanza.

Akizungumza katika mahafali hayo, Afisa wa Ubalozi wa Marekani anayeshughulikia masuala ya lugha ya Kingereza kwa nchi za Africa ya Mashariki na Kati, George M. Chinnery aliwapongeza wahitimu wa Programu ya Access kwa kujitoa kwao kwa dhati na kujifunza kwa bidii.

“Kupitia programu hii, sio tu mmeweza kupata umahiri wa lugha ya Kiingereza bali pia mmekuwa viongozi na mfano wa kuigwa katika jamii. Kupitia miradi ya kujitolea, mmetumia shauku ileile iliyowaletea mafanikio katika masomo, na kuitekeleza katika maisha yenu ya kila siku majumbani mwenu na kwenye jamii nzima. Mahafali hii ya leo ni hatua nyingine katika safari yenu ya kufikia juu zaidi na zaidi kuliko hapo awali.” Katika mahafali hayo, wanafunzi waliwasilisha kazi za kuhudumia jamii walizozifanya wakati wa mafunzo yao kwa lugha ya Kiingereza.

Programu ya Access hutoa mafunzo ya msingi ya lugha ya Kiingereza kwa watoto wenye vipaji kuanzia miaka 13 hadi 20 kutoka jamii zenye hali duni kiuchumi kupitia madarasa yanayoendeshwa baada ya muda wa shule na yanayotoa mafunzo ya kina kipindi cha likizo.

Programu ya Access huwapatia washiriki wake stadi za lugha ya Kiingereza jambo ambalo huwapa fursa zaidi za kielimu na ajira. Washiriki pia hujijengea uwezo wa kushindana na kushiriki program za mabadilishano na elimu ya juu nchini Marekani hapo baadae. Toka mwaka 2004, zaidi ya wanafunzi 400 kutoka Tanzania na 150,000 kutoka zaidi ya nchi 85 wameshiriki katika programu hii. Kwa maelezo zaidi, tembelea: https://americanenglish.state.gov/.