RC HAPI AMVAA MEMBE NA WENZAKE KWA KUMHUJUMU RAIS MAGUFULI

 Mkuu wa Mkoa wa Iringa, Ally Hapi akiongea na waandishi wa habari wakati akiwataka viongozi wastaafu wa Chama Cha Mapinduzi (CCM) kuacha kukigawa chama na kufifisha juhudi za Rais wa Jamhuri ya Muungano wa Tanzania za kuleta maendeleo kwa wananchi kama anavyokusudia.

Mkuu wa Mkoa wa Iringa, Ally Hapi.

NA FREDY MGUNDA,IRINGA

MKUU wa mkoa wa Iringa Ally Hapi amewataka viongozi wastaafu wa chama cha mapinduzi kuacha kukigawa chama na kufifisha juhudi za Rais wa Jamhuri ya Muungano wa Tanzania za kuleta maendeleo kwa wananchi kama anavyokusudia

Akizungumza na vyombo vya habari ofisini kwake mkoani Iringa,Hapi alisema kuwa kumshambulia Rais wa Jamhuri ya Muungano wa Tanzania unaishamburia na kuihujumu serikali yote.

“Unapomshambulia Rais unatushambilia hadi sisi wakuu wa mkioa na wateule wote ambao ametuteua kumsaidia kazi kwa kumuhujumu juu ya utendaji wake wa kazi kwa kuleta maendeleo kwa wananchi” alisema Hapi

Hapi alisema kuwa Membe hajaanza leo kumuhujumu Rais Magufuli kwa ajili bado anahasira za kukosa urais kwa kuwa alikuwa amejipambanua kuwa alikuwa Rais mtarajiwa wakati wa uchaguzi wa mwaka 2015.

“Membe anafurahi sana nchi kupasuka vipande vinne kwenye clip yake kwa kusema ni aibu sana kumpata Rais kama Magufuli anazungumza sana hiyo yote bado inamuuma kuukosa urais ambao tayari alikuwa amejitangazia kuwa yeye ndio alikuwa anastahili kuwa Rais” alisema Hapi

Aidha Hapi alisema kuwa mzee Membe amekuwa akilalama kuwa Rais magufuli kuwateuwa viongozi walikuwa wapinzani kuongoza taifa katika nyadhifa mbalimbali tofauti na utamaduni wa chama hicho ulivyokuwa hapo awali.

“Mbona hakusema kwenye serikali ya awamu ya Nne kwa Rais mstaafu Dr Jakaya Kikwete alipowateu wapinzani kushika nafasi mbalimbali ambazo zilikuwa nyeti kwa wakati huo mbona wote walikaa kimya kwanini leo hii iwe kwa Rais Magufuli” alisema Hapi

Lakini Hapi alisema kuwa viongozi wanaomhujumu Rais wa Jamhuri ya Muungano wa Tanzania wamewahi kuwa viongozi kwenye vyombo vya ulinzi na usalama vya taifa.

“Mzee Kinana alikuwa kanali wa jeshi,mzee Makamba amekwenda kwenye vyuo mbalimbali vya jeshi na Membe amefanya kazi kwenye idara nyeti za usalama wa taifa ni watu waliokula kiapo na ni watu ambao usinge wategemea kumong’onyoa umoja na mshikamano na kuhatarisha tunu ya taifa letu” alisema Hapi

Hapi amewatakwa wazee wa chama cha mapinduzi kufuata utaratibu wa utawala huu na kutii mamlaka iliyopo madarakani.

“Leo wazee wetu wamekwama wapi hadi kuamua kuchua uwamuzi wa kuandika waraka na kuusambaza kwenye vyombo mbalimbali vya habari katika jambo ambalo walikuwa wanaweza kuomba nafasi ya kuonana na Rais ili kumueleza nini wanataka kuyaeleza” alisema Hapi

Hapi amemaliza kwa kulitaka genge ambalo limekuwa likitengeneza njama za kumhujumu Rais wa Jamhuri ya Muungano wa Tanzania waache mara moja kwa kuwa Rais Magufuli ni kipenzi cha watanzania.