RAIS DKT. SAMIA AZINDUA KIWANDA CHA SUKARI CHA MKULAZI MOROGORO

 

Rais wa Jamhuri ya Muungano wa Tanzania Dkt. Samia Suluhu Hassan akipata maelezo kutoka kwa Waziri wa Nchi Ofisi ya Waziri Mkuu Mhe. Ridhiwani Kikwete wakati wa hafla ya uzinduzi wa kiwanda  cha Sukari Mkulazi kilichopo Mbigiri mkoani Morogoro, tarehe 7 Agosti, 2024.

Rais wa Jamhuri ya Muungano wa Tanzania Dkt. Samia Suluhu Hassan akibonyeza kitufe kuashiria uzinduzi wa kiwanda cha Sukari Mkulazi, Mbigiri mkoani Morogoro, tarehe 7 Agosti, 2024.

Naibu Waziri wa Ujenzi, Eng. Kasekenya akiwa na wataalam wake wakiangalia taswira na muonekaniko wa Kiwanda cha Sukari Mkulazi ambacho Rais Dkt. Samia Suluhu Hassan amekizindua tarehe 7 Agosti, 2024.

Wageni waalikwa mbalimbali wakiwa kwenye hafla ya uzinduzi wa  kiwanda cha Sukari Mkulazi, Mbigiri mkoani Morogoro, tarehe 7 Agosti, 2024.

Rais wa Jamhuri ya Muungano wa Tanzania Dkt. Samia Suluhu Hassan (kulia) akiwa kwenye picha na sehemu ya viongozi mbalimbali kwenye hafla ya uzinduzi wa  kiwanda cha Sukari Mkulazi, Mbigiri mkoani Morogoro, tarehe 7 Agosti, 2024.

RAIS wa Jamhuri ya Muungano wa Tanzania Mhe. Dkt Samia Suluhu Hassan amezindua rasmi Kiwanda cha Sukari Mkulazi kilichopo Mbigiri, Wilaya ya Kilosa Mkoa wa Morogoro Agosti 7, 2024.

Kiwanda hiki kimeanza uzalishaji wa sukari rasmi Julai 1, 2024 na kina uwezo wa kuzalisha Tani 50,000 za sukari kwa mwaka na kinazalisha Sukari ya Majumbani (Brown Sugar) na pia kinatarajiwa kuzalisha Sukari ya Viwandani (Industrial Sugar) kwa mwaka 2024/2025

Kiwanda hiki kinamilikiwa na Kampuni Hodhi ya Mkulazi ambayo Kampuni hii inamilikiwa kwa ubia kati ya Mfuko wa Taifa wa Hifadhi ya Jamii (NSSF) na Shirika la Uzalishaji Mali la Jeshi la Magereza (SHIMA).