NAIBU KATIBU MKUU, ELIJAH MWANDUMBYA ATEMBELEA BANDA LA WIZARA YA FEDHA SABASABA

Naibu Katibu Mkuu Wizara ya Fedha, Bw. Elijah Mwandumbya (katikati), akitembelea Maonesho ya 48 ya Biashara ya Kimataifa (Sabasaba) yanayofanyika katika viwanja vya Julius Nyerere Barabara ya Kilwa, Temeke, jijini Dar es Salaam, ambapo amepongeza mikakati iliyowekwa ya kutoa elimu kwa umma kuhusu majukumu ya Wizara na Taasisi zake. Kulia ni Mkuu wa Kitengo cha Mawasiliano Serikalini, Wizara ya Fedha, Bw. Benny Mwaipaja na Kushoto ni Afisa Mwandamizi wa Kitengo hicho, Bw. Ramadhani Kissimba.

Naibu Katibu Mkuu Wizara ya Fedha, Bw. Elijah Mwandumbya (kulia), akisaini kitabu cha wageni alipotembelea Banda la Wizara ya Fedha katika Maonesho ya 48 ya Biashara ya Kimataifa (Sabasaba) yanayofanyika katika viwanja vya Julius Nyerere Barabara ya Kilwa Temeke, jijini Dar es Salaam, ambapo amepongeza mikakati iliyowekwa ya kutoa elimu kwa umma kuhusu majukumu ya Wizara na Taasisi zake. Katikati ni Mkuu wa Kitengo cha Mawasiliano Serikalini, Wizara ya Fedha, Bw. Benny Mwaipaja na Kushoto ni Mwandishi Mwendesha Ofisi wa Kitengo hicho, Bi. Masia Msuya.

Naibu Katibu Mkuu Wizara ya Fedha, Bw. Elijah Mwandumbya (kulia), akipewa maelezo kuhusu Mfuko wa Dhamana na Uwekezaji Tanzania (UTT – AMIS) namna unavyowahudumia wateja wake na Afisa Masoko Mwandamizi wa Mfuko huo, Bw. Rahim Mwanga, alipotembelea Banda la Wizara ya Fedha katika Maonesho ya 48 ya Biashara ya Kimataifa (Sabasaba) yanayofanyika katika viwanja vya Julius Nyerere Barabara ya Kilwa, Temeke, jijini Dar es Salaam.

Afisa Mwandamizi wa Idara ya Uendelezaji wa sekta ya Fedha, kutoka Wizara ya Fedha, Bi. Mary Mihigo, akitoa elimu ya fedha kwa wanafunzi wa shule ya Sekondari ya La Miriam Morogoro, walipotembelea Banda la Wizara ya Fedha wakati wa Maonesho ya 48 ya Biashara ya Kimataifa (Sabasaba) yanayofanyika katika viwanja vya Julius Nyerere Barabara ya Kilwa, Temeke, jijini Dar es Salaam, kuanzia tarehe 28 Juni hadi 13 Julai, 2024.

Na Peter Haule, WF, Dar es Salaam

NAIBU Katibu Mkuu wa Wizara ya Fedha, Bw. Elijah Mwandumbya ametembelea Banda la Wizara ya Fedha katika Maonesho ya 48 ya Biashara ya Kimataifa (Sabasaba) yanayofanyika katika viwanja vya Julius Nyerere Barabara ya Kilwa, Temeke, jijini Dar es Salaam, ambapo amepongeza mikakati iliyowekwa ya kutoa elimu kwa umma kuhusu majukumu ya Wizara na Taasisi zake.

 

Bw. Mwandumbya alisema kuwa Wizara ya Fedha ni Wizara muhimu katika kuchochea maendeleo ya mchi hivyo ni muhimu elimu ikatolewa kwa usahihi na ufanisi ili watanzania waweze kuelewa majukumu ya Wizara na Taasisi zake.

 

Amesema kuwa Maonesho hayo ambayo Idara, Vitengo na Taasisi za Wizara ya Fedha kwa pamoja zinatoa nafasi kwa watanzania kupata elimu kwa urahisi kuhusu Wizara hiyo.

 

Bw. Mwandumbya amewataka Wananchi kutembelea Banda la Wizara hiyo ili wapate elimu na huduma za kibenki, mifuko ya dhamana ya uwekezaji, Sera, masuala ya sekta ya fedha, usuluhishi wa masuala ya kodi, vyuo vya elimu ya juu, ununuzi na ugavi, pemsheni na mirathi,