CANADA WAZINDUWA MIRADI MITATU KUWAJENGEA UWEZO WANAWAKE

Balozi wa Canada nchini Tanzania, Pamella O’Donnell akizungumza na wanahabari mara baada ya uzinduzi wa miradi mitatu mikubwa iliyolenga kuwajengea uwezo wanawake kupitia shughuli zao anuai, itakayotekelezwa na TGNP Mtandao, Mfuko wa Wanawake Tanzania (TWF) pamoja na Taasisi ya Shule Direct (kupitia; Ndoto Hub).

Mkurugenzi Mtendaji wa TGNP Mtandao, Bi. Lilian Liundi (wa kwanza kulia) akizungumza katika mjadala wa wazi uliojadili mada iliyosema Tanzania ya Viwanda; mamlaka zinapaswa kuhakikisha wanawake wanashiriki kikamilifu katika mchakato wa Tanzania ya viwanda.

Balozi wa Canada nchini Tanzania, Pamella O’Donnell (wa kwanza kulia) akiongoza mjadala wa wazi uliojadili mada iliyosema Tanzania ya Viwanda; Mamlaka zinapaswa kuhakikisha wanawake wanashiriki kikamilifu katika ajenda ya Tanzania ya viwanda. Kutoka kushoto ni baadhi ya washiriki wa mjadala huo, Mkurugenzi Mtendaji wa TGNP, Bi. Lilian Liundi na Mkurugenzi Mtendaji wa Shule Direct, Faraja Nyalandu.

Mkurugenzi wa Mfuko wa Wanawake Tanzania (TWF) Merry Lusimbi, (wa kwanza kushoto) akizungumza katika mjadala wa wazi uliojadili mada iliyosema Tanzania ya Viwanda; mamlaka zinapaswa kuhakikisha wanawake wanashiriki kikamilifu katika mchakato wa Tanzania ya viwanda.

Mkurugenzi wa Taasisi ya Hope Centre for Children, Girls & Women, Halima Lila (katikati) akizungumza katika mjadala wa wazi uliojadili mada iliyosema Tanzania ya Viwanda; mamlaka zinapaswa kuhakikisha wanawake wanashiriki kikamilifu katika mchakato wa Tanzania ya viwanda.

Mkurugenzi Mtendaji wa Shule Direct, Faraja Nyalandu, (kulia) akizungumza katika mjadala wa wazi uliojadili mada iliyosema Tanzania ya Viwanda; mamlaka zinapaswa kuhakikisha wanawake wanashiriki kikamilifu katika mchakato wa Tanzania ya viwanda.

Kutoka kushoto ni Mkurugenzi Mtendaji wa TGNP, Bi. Lilian Liundi, Mkurugenzi wa Mfuko wa Wanawake Tanzania (TWF) Merry Lusimbi pamoja na washiriki wengine wakiwa katika hafla hiyo.

Baadhi ya washiriki na meza kuu katika uzinduzi wa miradi mitatu mikubwa iliyolenga kuwajengea uwezo wanawake kupitia shughuli zao anuai unaofadhiliwa na Ubalozi wa Canada.

Sehemu ya washiriki wakiwa katika hafla hiyo.

Sehemu ya washiriki wakiwa katika hafla hiyo.

Na Joachim Mushi

CANADA imejitolea kuunga mkono juhudi zinazofanywa na Tanzania kusaidia uwezeshaji wanawake ili waweze kuzifikia fursa na hatimaye kuchangia katika kujenga jamii bora yenye utamaduni wa kunufaika kupitia ujasiriamali. Juhudi hizo zimeoneshwa baada ya kuzinduwa miradi mitatu mikubwa iliyolenga kuwajengea uwezo wanawake kupitia shughuli zao anuai.

Akizungumza katika uzinduzi huo uliofanyika jijini Dar es Salaam, Balozi wa Canada nchini Tanzania, Pamella O’Donnell amesema mradi wa kwanza ambao wameuzinduwa utaratibiwa na taasisi ya Shule Direct unaolenga kuwawezesha Wanawake Wajasiriamali wabunifu kuanza biashara ili kumuendeleza yeye pamoja na jamii.

Miradi mingine miwili itakayotekelezwa na TGNP Mtandao pamoja na Mfuko wa Wanawake Tanzania (TWF) italenga kupaza sauti za wanawake na kuwawezesha kwenye uongozi ili waweze kupigania haki zao na usawa wa kijinsia nchini Tanzania.

Balozi huyo, alisema ubalozi wake unajivunia kufadhili miradi hiyo mitatu ambayo inalenga kupaza sauti za wanawake na mradi wa uongozi utakaochochea uwezo wa wanawake kupigania haki na usawa wa jinsia.

Uzinduzi wa miradi hiyo umeenda sambamba na mjadala wa wazi uliojadili mada iliyosema Tanzania ya Viwanda; mamlaka zinapaswa kuhakikisha wanawake wanashiriki kikamilifu katika mchakato wa Tanzania ya viwanda.

Mjadala huo ulioongozwa na Balozi, O’Donnell na kuwashirikisha Mkurugenzi Mtendaji wa TGNP, Bi. Lilian Liundi, Mwenyekiti wa Chama cha Wamiliki wa Malori Tanzania na Makamu Mwenyekiti wa TPSF, Mkurugenzi wa Mfuko wa Wanawake Tanzania (TWF) Merry Lusimbi, Mkurugenzi wa Taasisi ya Hope Centre for Children, Girls & Women pamoja na Mkurugenzi Mtendaji wa Shule Direct, Faraja Nyalandu
.