NAIBU WAZIRI KWANDIKWA AJIPANGA KUFUTA ZERO USHETU

Mbunge wa Ushetu ambaye pia ni Naibu Waziri wa Ujenzi, Mhe. Elias John Kwandikwa akisalimiana na wanafunzi wa shule ya msingi Iponyanholo alipokwenda kukagua miundombinu ya shule hiyo.

Walimu na wazazi wa shule ya msingi Songambele katika Jimbo la Ushetu Wilayani Kahama wakimsikiliza Mbunge wao ambaye ni Naibu Waziri wa Ujenzi, Mhe. Elias John Kwandikwa (hayupo pichani), alipokwenda kukagua maendeleo ya shule hiyo.

Mbunge wa Ushetu ambaye pia ni Naibu Waziri wa Ujenzi, Mhe. Elias John Kwandikwa akisisitiza jambo alipokutana na Walimu na Wazazi wa shule ya msingi Songambele alipokagua maendeleo ya shule hiyo.

Mbunge wa Ushetu ambaye pia ni Naibu Waziri wa Ujenzi, Mhe. Elias John Kwandikwa akifurahia kukamilika kwa vitanda 22, alivyovikabidhi kwa shule ya Sekondari Bulungwa ili kuwawezesha wasichana wa shule hiyo kusoma bweni badala ya kutwa.

Mbunge wa Ushetu ambaye pia ni Naibu Waziri wa Ujenzi, Mhe. Elias John Kwandikwa akizungumza na wazee wa kijiji cha Bukale mara baada ya kuwalipia Bima ya Afya ikiwa ni sehemu ya kuhamasisha wananchi katika jimbo hilo kujiunga na bima ya afya.

MBUNGE wa Ushetu ambaye ni Naibu Waziri wa Ujenzi, Mhe. Elias John Kwandikwa amezungumzia umuhimu wa viongozi, walimu na wazazi katika jimbo hilo kuunganisha nguvu ili kuongeza ufaulu na kuondoa division zero.

Akizungumza katika ziara yake ya kukagua utekelezaji wa huduma za maji, elimu, afya na miundombinu katika jimbo hilo amesisitiza kila mwanajamii wa jimbo hilo kuhakikisha elimu inaimarika ili fursa nyingine ziweze kufanikiwa.

“Ndugu zangu tukifanikiwa katika elimu, miradi mingine ya maji, kilimo, afya na miundombinu itafanikiwa na uchumi wa jimbo hili utakuwa kwa kasi amesisitiza”, Mhe. Kwandikwa.

Katika ziara hiyo Mbunge huyo amekabidhi vitanda 22 kwa shule ya Sekondari ya Bulungwa kwaajili ya mabweni ya wasichana ili kuwawezesha wanafunzi wengi kusoma bweni badala ya kutwa.

Amemtaka Mkurugenzi wa Halmashauri ya Ushetu Bw, Michael Matomola kuhakikisha shule zinazostahili kuwa na maabara katika jimbo hilo ikiwemo Sekondari ya Sabasabini inakuwa na huduma hiyo haraka ili kuwezesha wanafunzi kufaulu masomo ya sayansi.

Amewataka viongozi, wazazi na walimu kubaini vipaumbele vinavyotekelezeka kwa haraka ili kuleta mabadiliko chanya katika jimbo hilo. Mbunge huyo wa Ushetu ambaye ni Naibu Waziri wa Ujenzi, Mhe. Elias John alikuwa katika ziara ya siku mbili jimboni humo kukagua na kuhamasisha maendeleo ya elimu, maji, afya, kilimo na miundombinu katika jimbo la Ushetu Wilayani Kahama.

IMETOLEWA NA KITENGO CHA HABARI NA MAWASILIANO WIZARA YA UJENZI, UCHUKUZI NA MAWASILIANO.