SIMBA YANGA AKUNA MBABE…!

Baadhi ya wachezaji wa Klabu ya Simba.

Baadhi ya wachezaji wa Klabu ya Yanga.

MCHEZO wa Ligi Kuu kati ya watani wa jadi Timu ya Simba na Yanga umemalizika kwa kugawana pointi moja moja katika Uwanja wa Taifa jijini Dar es Salaam. Mchezo huo ambao ulikuwa ukisubiriwa kwa hamu huku Simba ikimwa mwenyeji ulimalizika kwa suluhu ya bila maagoli kwa timu zote.

Simba ndio waliokuwa na morali ya kutafuta mabao muda wote huku watani wao Yanga wakionekana kuzuia na kujilinda muda wote, baada ya kuonekana wamebanwa idara zote na kutamani mpira umalizike muda wote.

Katika mchezo huo Simba waliliandama goli la Yanga sanasana kipindi cha pili cha mchezo, ikiwatumia washambuliaji wao nyota Meddie Kagere na Emmanuel Okwi ambapo Simba ilipiga takribani kona 11, huku watani wao wakiambulia patupu.

Wachezaji wa Simba ndio watakaojilaumu zaidi kwa kuonekana kutokuwa makini kwani licha ya kufanya mashambulizi muda wote hakuna matunda ya goli.

Kwa sare hiyo, Yanga SC inajisogeza nafasi ya pili kwenye msimamo wa Ligi Kuu kutokana na kujiongezea pointi moja na kufikisha 13 baada ya kucheza mechi tano, nne nyingine zote wakishinda.

Kwa upande wao, mabingwa watetezi, Simba SC wanafikisha pointi 11 baada ya kucheza mechi sita, wakitoa sare ya pili leo na kufungwa moja, nyingine tatu wakishinda.