Mwenyekiti wa Bodi ya shule ya sekondari ya Barbro Johansen , Profesa Anna Tibaijuka akizungumza wakati wa hafla ya uzinduzi wa ujenzi wa Jengo la Tehama na mahafali ya 18 ya kidato cha sita cha shule hiyo.
Na Dunstan Mhilu, Dar
KIASI cha Shilingi 1.4 Bilioni kinahitajika ili kukamilisha ujenzi wa jengo la Tehama la Shule ya Sekondari ya Wasichana ya Barbro Johansen ya jijini Dar es Salaam.
Hayo yameelezwa na Mwenyekiti wa Bodi ya Shule hiyo Profesa Anna Tibaijuka akizungumza na vyombo vya habari jana baada ya uzinduzi wa ujenzi wa jengo hilo ulioambatana na mahafali ya 18 ya kidato cha sita yaliyofanyika shuleni hapo Luguruni wilayani Ubungo.
“Tuna mshukuru Mungu kwa kiasi cha Sh 72 milioni zilizokusanywa leo, na kiasi cha Sh 500 milioni zilizoahidiwa na hivyo kuwaomba wadau wa elimu na wapenda mendeleo hususani sekta ya tehema kutuunga mkono katika uchagiaji wa ujenzi wa jengo la Tehama na ununuzi wa vifaa vya Tehama” amesema Prof Tibaijuka.
Aidha Profesa Tibaijuka amesema shule hiyo imekuwa msaada na kimbilio kwa wanafunzi wahitaji ambapo katika wanafunzi 120 waliohitimu kati yao wanafunzi 72 wamepatiwa ufadhiri wa moja kwa moja na uongozi wa shule hiyo kwa maana elimu bila malipo.
Vilevile Prof Tibaijuka ameishukuru serikali ya Sweden ambayo imetoa mchango mkubwa katika ujenzi na uanzishwaji wa shule hiyo ambayo imekuwa kimbilio la wengi katika huduma ya elimu nchini.
Kwa upande wake Mkuu wa Idara ya Fedha wa Benki ya CRDB na aliyekuwa mgeni rasmi katika hafla hiyo, Fedrick Nshekanabo amesema benki yao ni mdau mkubwa wa elimu nchini na mshirika mkubwa shule ya Barbro na hivyo mafanikio ya Barbro nyuma yake kuna mchango mkubwa wa CRDB Benki na wao watachangia Sh 500 nilioni.
“Tutaendelea kuchangia katika maendeleo ya elimu ikiwemo shule ya sekondari ya wasichana ya Barbro,ninaamini kituo hiki cha tehama kwa namna nlivyoona mchoro wake kitakuwa kituo bora barani afrika na kwanza kiukubwa nchini Tanzania, hivyo nawasihi watanzania kuwekeza zaidi katika elimu na Tehama zaidi ili kujipatia maendeleo” amesema Nshekanabo.
Aidha Nshekanabo ameipongeza menejiment, bodi na wanafunzi wa shule hiyo kwa jitihada zao katika kuhakikisha wanafunzi wanafanya vizuri na akiwasihi wahitimu kwenda kuwa raia wema na kujiendeleza zaidi kitaaluma hadi ngazi ya udaktari wa falsafa.
Mkuu wa shule hiyo, Jospina Leonidace amesema shule yao hufanya vizuri kitaaluma katika mitihani ya kikanda, kimkoa na kitaifa na hivyo kuwaomba wazazi kupeleka Watoto wao katika shule hiyo.
“Sisi ni miongoni mwa shule zinazotoa huduma bora wenyewe wanaohitimu na waliohitimu ni mabalozi wazuri huko waendako na huko waliko” amesema, Jospina
No comments:
Post a Comment