WAFANYABIASHA WA VIPODOZI NA VYAKULA WATAKIWA KUJISAJILI...!

Kaimu Meneja wa Usajili wa Bidhaa na Majengo TBS Gwantwa Samson Mwakipesile akizungumza na waandishi wa habari jijini Dar es salaam kuhusu taratibu za kusajili bidhaa na vipodozi kwa wafanyabiashara mbalimbal nchini.

Afisa Udhibiti Ubora TBS ambaye anashughulika na  usajili wa bidhaa za vipodozi vinavyotoka nje ya nchi Mbuni Mwampeta akizungumza na waandishi wa habari jijini Dar es salaam

NA MUSSA KHALID

SHIRIKA la Viwango nchini Tanzania -TBS limewataka watanzania wanaotaka kufanyabiashara ya chakula na vipodozi nchini kuhakikisha wanajisajili mapema ili kuweza kuwalinda wananchi waepukane na madhara yanayoweza kujitokeza.

Kauli hiyo imetolewa leo jijini Dar es salaam na Kaimu Meneja wa Usajili wa Bidhaa na Majengo TBS Gwantwa Samson Mwakipesile wakati akizungumzia taratibu za kusajili bidhaa na vipodozi kwa wafanyabiashara mbalimbal nchini.

Mwakipesile amesema kuwa licha ya Shirika hilo kuwezesha biashara mbalimbali pia linajukumu la kuwalinda watanzania ambao wanatumia bidhaa hizo za vyakula na vipodozi.

Amesema lengo la kufanya usajili wa bidhaa na majengo ni kujiridhisha kabla ya kuruhusu majengo kutumika kuhifadhi bidhaa za vipodozi na chakula kwamba yanakidhi vigezo vilivyowekwa ambavyo vitafanya bidhaa zinazotunzwa kwenye majengo hayo ziendelee kuwa bora na salama kwaajili ya matumzi.

‘Suala la usajili ni takwa la Kisheria limewekwa kwa mujibu wa sheria kwani sheria ya viwango inasema kwamba mtu yeyetoe haruhusiwi kuuza bidhaa ya chakula wala kipodozi kabla haijasajiliwa hivyo kwa kuwa ni takwa la kisheria wafanyabiashara wote wanapaswa kufanya hivyo’amesema Mwakipesile

Kwa upande wake Afisa Udhibiti Ubora TBS ambaye anashughulika na  usajili wa bidhaa za vipodozi vinavyotoka nje ya nchi Mbuni Mwampeta amesema mbinu wanazozitumia katika usajili ni kuangalia ubora kwa kupeleka bidhaa hizo maabara lakini pia  kuangalia viambata vilivyotumika kwenye utengenezaji.

Aidha akielezea kuhusu madhara anyaoweza kupata mtu pindi anapotumia vipodozi vyenye viambata sumu ni pamoja na kuwa na wekundu na weusi kwenye ngozi pamoja na kupata muwasho.