WATEJA 25 DROO YA MWEZI WA KWANZA, NMB MASTABATA WAZOA MIL 25/=

Mkuu wa Kitengo cha Wateja Binafsi Benki ya NMB, Aikansia Muro (katikati) akizungumza na waandishi wa habari (hawapo pichani) leo kabla ya kuendesha droo ya kumtafuta Msindi wa Droo ya Mwezi ya NMB MastaBata Kivyakovyako iliyochezeshwa Tawi la NMB Mlimani City jijini Dar es Salaam, ambapo mshindi huyo amejishindia fedha taslimu shilingi 1,000,000/-. Kushoto ni Mkaguzi wa Bodi ya Michezo ya Kubahatisha Nchini, Pendo Mfuru pamoja na Meneja wa NMB Kanda ya Dar es Salaam, Donatus Richard wakifuatilia.

Meneja wa NMB Kanda ya Dar es Salaam, Donatus Richard akizungumza na waandishi wa habari (hawapo pichani) leo kabla ya kuendeshwa kwa droo ya kumtafuta Msindi wa Droo ya Mwezi ya NMB MastaBata Kivyakovyako iliyochezeshwa Tawi la NMB Mlimani City jijini Dar es Salaam, ambapo mshindi huyo amejishindia fedha taslimu shilingi 1,000,000/-. Wa kwanza kushoto ni Mkaguzi wa Bodi ya Michezo ya Kubahatisha Nchini, Pendo Mfuru pamoja na Mkuu wa Kitengo cha Wateja Binafsi Benki ya NMB, Aikansia Muro wakifuatilia.

Meneja wa NMB Kanda ya Dar es Salaam, Donatus Richard (kulia) akibofya kumpigia simu mmoja wa washindi wa Droo ya Mwezi ya NMB MastaBata Kivyakovyako iliyochezeshwa Tawi la NMB Mlimani City jijini Dar es Salaam, ambapo mshindi huyo amejinyakulia fedha taslimu shilingi 1,000,000/-. Katikati ni Mkuu wa Kitengo cha Wateja Binafsi Benki ya NMB, Aikansia Muro pamoja na Mkaguzi wa Bodi ya Michezo ya Kubahatisha Nchini, Pendo Mfuru (kushoto) wakifuatilia tukio hilo.

Mkuu wa Kitengo cha Wateja Binafsi Benki ya NMB, Aikansia Muro (katikati) akibonyeza kitufe kumtafuta Msindi wa Droo ya Mwezi ya NMB MastaBata Kivyakovyako iliyochezeshwa leo Tawila Mlimani City jijini Dar es Salaam, ambapo mshindi huyo amejishindia fedha taslimu shilingi 1,000,000/-. Kushoto ni Mkaguzi wa Bodi ya Michezo ya Kubahatisha Nchini, Pendo Mfuru pamoja na Meneja wa NMB Kanda ya Dar es Salaam, Donatus Richard wakifuatilia.

WAKATI kampeni ya NMB MastaBata - Kivyako Vyako ikizidi kunufaisha wateja kwa washindi 25 wa mwezi wa kwanza wa kampeni hiyo kuzawadiwa Sh. Mil. 25, msisitizo umetolewa kwa Watanzania kuwa matumizi ya pesa taslimu ni gharama 'cash is expensive,' na kwamba MastaBata ikawe chachu ya kudumisha utamaduni wa matumizi kwa njia ya kadi.

MastaBata ni kampeni inayoendeshwa na Benki ya NMB, ikihamasisha Watanzania kuendana na kasi ya dunia ya dijitali, ya matumizi ya yasiyohusisha pesa taslimu, huku benki hiyo ikitenga zaidi ya Sh. Mil. 200 kama motisha kwa wateja wanaotumia zaidi kadi zao za MasterCard, Masterpass QR, Vituo vya Mauzo (PoS).

Kufikia sasa, kampeni hiyo iliyoanza mwishoni mwa Desemba mwaka jana, imeshatoa zawadi za pesa taslimu kiasi cha Sh. Mil. 65 kwa wateja 425, ambazo ni kati ya zaidi ya Sh. Mil. 200, zitakazotolewa kwa wateja 1,080 katika kipindi cha wiki 10 za kampeni hiyo, inayofanyika kwa msimu wa tatu. Fainali ya NMB MastaBata itafanyika Machi mwaka huu.

Akizungumza kabla ya droo hiyo, Meneja wa NMB Kanda ya Dar es Salaam, Donatus Richard, alisema ulimwengu umebadilika na kusisitiza kuwa matumizi ya pesa taslimu yana gharama kubwa, zikiwamo za upotevu, wizi na uporaji na kwamba Watanzania wanapaswa kuendana na kasibya mabadiliko hayo kwa kujikita katika matumizi kwa njia ya kadi.

Kwa upande wake, Mkuu wa Kitengo Cha Wateja Binafsi wa NMB, Aikansia Muro, alisema benki yake imetenga zaidi ya Sh. Mil. 200, zitakazotolewa kwa wateja wao katika kipindi chote cha kampeni hiyo, ambako kila wiki wateja 100 hujinyakulia jumla ya Sh. Mil. 10 (sawa na Sh. 100,00 kila mmoja), huku washindi 25 wa kila mwezi wakijitwalia Sh. Milioni 25 (sawa na Sh. Mil. 1 kila mmoja).