BONANZA LA NMB VUTA NIKUVUTE LAFANA VISIWANI ZANZIBAR!

Spika wa Baraza la Wawakilishi Zanzibar, Mhe. Zubeir Ali Maulid na Mkurugenzi Mtendaji Mkuu wa Benki ya NMB, Bi. Ruth Zaipuna wakiwaongoza wajumbe wa baraza la wawakilishi, viongozi wa SMZ pamoja na wananchi mbalimbali katika matembezi ya hisani kati ya Benki ya NMB, Wajumbe wa Baraza la Wawakilishi na viongozi wa Serikali ya Mapinduzi ya Zanzibar (SMZ) yakiwa na lengo la kudumisha ushirikiano kati ya pande hizo na sehemu ya maadhimisho ya miaka 25 ya NMB yaliofanyika leo jijini Zanzibar.

Michezo mbalimbali ya Tamasha la michezo la kudumisha ushirikiano baina ya Benki ya NMB na Baraza la Wawakilishi Zanzibar ikiendelea katika viwanja vya Mao Tse Tung, Visiwani Zanzibar.

Michezo mbalimbali ya Tamasha la michezo la kudumisha ushirikiano baina ya Benki ya NMB na Baraza la Wawakilishi Zanzibar ikiendelea katika viwanja vya Mao Tse Tung, Visiwani Zanzibar.

Michezo mbalimbali ya Tamasha la michezo la kudumisha ushirikiano baina ya Benki ya NMB na Baraza la Wawakilishi Zanzibar ikiendelea katika viwanja vya Mao Tse Tung, Visiwani Zanzibar.

Baadhi ya wachezaji wa Kikosi cha timu ya mpira wa miguu cha Benki ya NMB wakishangilia ushindi wao katika viwanja vya Mao Tse Tung, Visiwani Zanzibar.

BENKI ya NMB ikiwa inaendeea kusherehekea safari yake ya mafanikio ya miaka 25, Iliandaa bonanza la Michezo waliloliita Vuta Nikuvute visiwani Zanzibar. Kikosi cha timu ya mpira wa miguu cha Benki ya NMB, kilitawazwa mabingwa wa tamasha la michezo la kudumisha ushirikiano baina ya benki hiyo na Baraza la Wawakilishi Zanzibar, baada ya kuibuka na ushindi wa mabao 3-0, kwenye Uwanja wa Mao Tse Tung, Visiwani Zanzibar.

Shujaa wa timu ya NMB inayonolewa na nyota wa zamani wa Yanga na timu ya Taifa ya Tanzania 'Taifa Stars', Mohammed Hussein 'Mmachinga,' alikuwa ni mshambuliaji Simon Zubeir, aliyetikisa nyavu mara tatu 'hat trick,' mabao yote akiyafunga kipindi cha pili, baada ya dakika 45 za kwanza kumalizika kwa sare tasa, huku kila upande ukionesha kiwango bora. 

Bonanza hilo lilitanguliwa na matembezi ya hisani yaliyoshirikisha wafanyakazi wa NMB, Wajumbe wa Baraza la Mawaziri Zanzibar wachezaji wa timu za michezo yote na kikundi cha mbio za taratibu 'jogging' cha Island Exercise Club, huku washiriki wote wakiongozwa na Mgeni Rasmi, Zubeir Ali Maulid, ambaye ni Spika wa Baraza la Mawaziri Zanzibar pamoja na Afisa Mtendaji Mkuu wa NMB - Ruth Zaipuna.

Bonanza hilo lilijumuisha michezo ya mpira wa miguu, mpira wa kikapu, netiboli, kuvuta kamba, mbio fupi za mita 100, mbio za magunia na kufukuza kuku, ambako ukiondoa soka, NMB pia ilitwaa ubingwa kuvuta kamba (wanawake), mbio za mita 100 (wanaume).

Kwa upande wa Baraza la Wawakilishi, timu zake zilitwaa ubingwa katika mchezo ya kikapu (wanaume) walikoshinda pointi 53-42, netiboli (wanawake) magoli 36-21, mbio za magunia wanaume, kuvuta kamba (wanaume) na mbio za mita 100 (wanawake).

Akizungumza viwanjani hapo, Bi. Ruth, alimuahidi Spika wa Baraza la Wawakilishi kuwa, NMB itaendelea kutoa mchango wa kustawisha sekta ya michezo visiwani Zanzibar, kwani anamini michezo ni afya.

Spika wa Baraza la Wawakilishi Zanzibar, Mhe. Zubeir Ali Maulid pamoja na Mkurugenzi Mtendaji Mkuu wa Benki ya NMB, Bi. Ruth Zaipuna wakipiga ngoma kuaziria kuanza kwa matembezi ya hisani kati ya Benki ya NMB, Wajumbe wa Baraza la Wawakilishi na viongozi wa Serikali ya Mapinduzi ya Zanzibar ikiwa ni kudumisha ushirikiano kati ya pande hizo na sehemu ya maadhimisho ya miaka 25 ya Benki ya NMB yaliofanyika leo jijini Zanzibar.

Spika wa Baraza la Wawakilishi Zanzibar, Mhe. Zubeir Ali Maulid (watatu kushoto) na Mkurugenzi Mtendaji Mkuu wa Benki ya NMB, Bi. Ruth Zaipuna (watatu kulia) wakiwaongoza wajumbe wa baraza la wawakilishi, viongozi wa SMZ pamoja na wananchi mbalimbali katika matembezi ya hisani kati ya Benki ya NMB, Wajumbe wa Baraza la Wawakilishi na viongozi wa Serikali ya Mapinduzi ya Zanzibar (SMZ) yakiwa na lengo la kudumisha ushirikiano kati ya pande hizo na sehemu ya maadhimisho ya miaka 25 ya NMB yaliofanyika leo jijini Zanzibar.

Makamu wa Pili wa Rais wa Zanzibar Mhe. Hemed Suleiman akikabidhi kombe la mpira wa miguu kwa washindi wa mchezo wa bonanza la kudumisha ushirikiano baina ya NMB na Baraza la Wawakilishi wa Zanzibar (BLW), kwa BLW iliyolitwaa leo Jijini Zanzibar kwenye bonanza hilo. Kutoka kulia wakishuhudia ni Mkurugenzi Mtendaji Mkuu wa Benki ya NMB, Bi. Ruth Zaipuna pamoja na Mwenyekiti wa Bodi ya NMB, Dk. Edwin Mhede.